सोमवार, चैत्र ३०, २०७७
प्रमुख समाचार समसामयिक

ओली र सीको वार्ता, दुईपक्षीय सम्झौता र समझदारीपत्रमा हस्ताक्षर हुने

काठमाडौँ , २०७६ असोज २६। नेपाल र चीनबीच उच्चस्तरमा प्रतिनिधिमण्डलस्तरीय औपचारिक वार्ता प्रारम्भ भएको छ । चीनका राष्ट्रपति सी चिनफिङ र प्रधानमन्त्री केपी शर्मा ओलीले आ-आफ्नो मुलुकको प्रतिनिधित्व गरेको उक्त वार्तामा नेपाल-चीन सम्बन्धका सबै पक्षमा केन्द्रित रहेर विचार-विमर्श हुने परराष्ट्र मन्त्रालयले जनाएको छ ।

प्रधानमन्त्री ओली नेतृत्वको वार्तामा अर्थ, परराष्ट्र, गृह, ऊर्जा, जलस्रोत तथा सिँचाइ, संस्कृति पर्यटन तथा नागरिक उड्डयन मन्त्रालयका उच्च अधिकारी सहभागी छन् भने राष्ट्रपति सी नेतृत्वको प्रतिनिधिमण्डलमा विदेशमन्त्री वाङ् यी, नेपालका लागि चिनियाँ राजदूत हउ यान्छीलगायत छन् ।

वार्तापछि राष्ट्रपति सी र प्रधानमन्त्री ओलीको समुपस्थितिमा दुईपक्षीय सम्झौता तथा एक दर्जनभन्दा बढी समझदारीपत्रमा हस्ताक्षर हुने कार्यक्रम छ ।

चिनियाँ राष्ट्रपतिबाट २३ वर्षपछि नेपाल भ्रमण भएकाले सरकारले सीको स्वागत तथा सम्मानमा कुनै कसर बाँकी राखेको छैन । काठमाडौंका सडक विशेष रुपमा सजाइएको छ भने ठाउँठाउँमा परम्परागत पोशाक र झाँकीसहितको टोलीले सीको स्वागत गरेको छ ।राष्ट्रपति विद्यादेवी भण्डारीको निमन्त्रणामा दुइ दिने नेपाल भ्रमणमा आएका सिले उच्चस्तरीय भेटवार्ता गरी उनी आज स्वदेश फर्किने कार्यक्रम छ ।

भिडियो

रुपेश बागचन् “आलुडन”को तीजको गीत “सारी झरे झर्ला”

ताजा समाचारहरू