शनिबार, जेष्ठ २९, २०७८
प्रमुख समाचार स्वास्थ्य

आजदेखि वीरगञ्जमा अनिश्चितकालीन निषेधाज्ञा

साउन १०, काठमाडौं । जिल्ला सुरक्षा समिति र सर्वदलीय बैठकले कोरोना सङ्क्रमण बढ्न नदिन वीरगञ्जमा अनिश्चितकालीन निषेधाज्ञा लगाउने निर्णय गरेको छ। पछिल्लो केही दिनयतादेखि वीरगञ्जमा कोरोना सङ्क्रमण बढिरहेकाले सङ्क्रमण फैलिन नदिन आज बिहान ५:०० बजेदेखि अनिश्चितकालीन निषेधाज्ञा लगाउने निर्णय गरेको छ ।

कोरोना सङ्क्रमितहरू बिहीबार र शुक्रबार एक/एक जनाको मृत्यु भएको र धेरै सङ्ख्यामा नयाँ सङ्क्रमित फेला पर्न थालेकाले स्थानीय प्रशासनले विभिन्न दलका स्थानीय प्रतिनिधि, महानगरपालिकाका प्रतिनिधि सहितको सर्वदलीय बैठक बसी सङ्क्रमण फैलिन नदिन (आज) शनिबार बिहान ५ बजेदेखि अनिश्चितकालीन निषेधाज्ञा लगाउने निर्णय गरेको हो । पर्साका सहायक प्रमुख जिल्ला अधिकारी ललितकुमार बस्नेतका अनुसार सङ्क्रमण फैलिन नदिन यस्तो निर्णय गरिएको हो ।

पर्सामा बुधबार साझ १७ जना र बिहीबार साझ ३२ जना नयाँ सङ्क्रमित फेला परेका थिए भने बिहीबार एक जना मृत व्यक्तिमा कोरोना सङ्क्रमण पुष्टि भएको थियो र शुक्रबार अर्को एक जना सङ्क्रमितको मृत्यु भएको थियो ।

अहिले पर्साको वीरगञ्जमा रहेको गण्डक अस्थायी कोभिड अस्पतालमा चार जना सङ्क्रमितहरूकाे आईसियुमा राखेर उपचार भइरहेको छ । पछिल्लो समय फेला परेका करिब ८५ प्रतिशत सङ्क्रमितहरूमा कोरोनासँग मिल्दोजुल्दो लक्षण देखा परेको छ।

भिडियो

रुपेश बागचन् “आलुडन”को तीजको गीत “सारी झरे झर्ला”

ताजा समाचारहरू